Məxfilik Siyasəti

HealthVault AI («biz», «Xidmət») sağlamlıq məlumatlarının ən həssas kateqoriyalardan biri olduğunu bilir və data nəzarətçisi qismində çıxış edir. Bu siyasət hansı məlumatları topladığımızı, niyə və necə istifadə etdiyimizi, kiminlə paylaşdığımızı (və paylaşmadığımızı) və sənin hüquqlarını izah edir. Xidmətdən istifadə etməklə bu siyasəti qəbul edirsən.

Hesab məlumatları: ad, soyad, email və/və ya telefon nömrəsi, şifrə (bcrypt ilə hashlənmiş — biz onu görmürük), istəyə bağlı profil şəkli və nickname.

Sağlamlıq məlumatları (sən daxil edirsən): dərmanlar, analiz nəticələri, tibbi sənədlər və şəkillər, xatırlatmalar, həkim ziyarətləri, peyvəndlər, allergiyalar, xəstəliklər, ölçü göstəriciləri (çəki, təzyiq və s.) və ailə üzvlərinin məlumatları.

İstifadə və cihaz məlumatları: tətbiqdən istifadə statistikası (anonimləşdirilmiş), cihaz növü, giriş tarixləri (təhlükəsizlik üçün), bildiriş (push) tokenləri.

Mobil icazələr (yalnız sən icazə verəndə): kamera və qalereya (sənəd/profil şəkli üçün), bildiriş, yerləşmə (yaxınlıqdakı aptək/klinika üçün).

Sağlamlıq məlumatları qanunvericiliyə görə xüsusi kateqoriyalı fərdi məlumatlardır. Biz onları yalnız sənin açıq razılığın əsasında emal edirik — bu razılığı qeydiyyat zamanı və Təbib AI Razılığı ilə verirsən. Razılığını istənilən vaxt geri götürə bilərsən (bax: bölmə 8).

Məlumatlarını yalnız Xidməti sənə təqdim etmək üçün istifadə edirik:

• sağlamlıq qeydlərini saxlamaq, göstərmək və xatırlatmaları göndərmək;

• Təbib AI köməkçisi vasitəsilə məlumatlarını təhlil edərək fərdi, informativ tövsiyələr vermək;

• sənin başlatdığın partnyor əməliyyatlarını (aptək, klinika sifarişi) icra etmək;

• icma və etibarlı paylaşım funksiyalarını işlətmək və hesabını qorumaq.

Sağlamlıq məlumatlarını heç vaxt satmırıq və reklam məqsədilə istifadə etmirik.

Təbib AI köməkçisi sənin suallarına cavab vermək və məlumatlarını təhlil etmək üçün böyük dil modeli (LLM) provayderindən istifadə edir. Emal yalnız sənə cavab yaratmaq üçün, real vaxtda aparılır. Sənin sağlamlıq məlumatların AI modellərinin təlimi üçün istifadə edilmir və provayderə yalnız cavab formalaşdırmaq üçün lazım olan minimum məzmun ötürülür. AI cavabları məlumat xarakterlidir və səhv ola bilər.

Xidməti işlətmək üçün etibarlı təminatçılardan istifadə edirik: hostinq və baza (Vercel, Neon), AI köməkçi (LLM provayderi), email (Resend), SMS (Twilio), anonim analitika (PostHog). Onlar yalnız Xidməti təmin etmək üçün lazım olan minimum məlumata çıxış əldə edir və məxfiliyə riayət etməyə borcludurlar.

İcazəsiz heç kimə vermirik. Məlumatların yalnız bu hallarda paylaşılır:

• Sənin seçdiyin etibarlı şəxslərlə — yalnız konkret olaraq paylaşdığın qeydlər (oxu rejimi), istənilən vaxt geri ala bilərsən;

• Sənin başlatdığın partnyorlarla — sifarişi icra etmək üçün zəruri məlumat;

• İcma paylaşımları — yalnız sənin könüllü yazdığın postlar (anonim də edə bilərsən);

• Qanuni tələb — yalnız qanunun məcbur etdiyi hallarda.

Azərbaycan Respublikasının «Fərdi məlumatlar haqqında» Qanununa uyğun olaraq istənilən vaxt aşağıdakı hüquqlara maliksən:

• Baxış və düzəliş: məlumatlarına baxa və onları redaktə edə bilərsən;

• İxrac: məlumatlarını yükləyə bilərsən (Ayarlar → Məlumatı yüklə);

• Silmə: hesabını və əlaqəli sağlamlıq məlumatlarını silə bilərsən (Ayarlar → Hesabı sil);

• Razılığı geri götürmə: Təbib AI razılığını geri götürə bilərsən — bu, sağlamlıq məlumatlarının AI təhlilini dayandırır.

Bu hüquqları tətbiqin ayarlarından və ya info@360tibb.az ünvanı ilə həyata keçirə bilərsən.

Şifrələr bcrypt (12 round) ilə hashlənir. Bağlantı HTTPS ilə şifrələnir. İki mərhələli doğrulama (2FA) və mobil app-də Face ID / barmaq izi qoruması mövcuddur. Sessiya tokenləri təhlükəsiz saxlanır. Heç bir sistem 100% təhlükəsiz deyil, lakin sənayə standartlarına uyğun tədbirlər görürük.

Məlumatlar hesabın aktiv olduğu müddətdə saxlanır. Hesabı sildikdə əlaqəli sağlamlıq qeydləri silinir (qanuni saxlama tələbləri istisna olmaqla).

Xidmət 18 yaşdan kiçiklər üçün müstəqil istifadəyə nəzərdə tutulmayıb. Valideyn və ya qəyyum uşağının sağlamlıq məlumatını ailə üzvü kimi idarə edə bilər.

Bu siyasəti yeniləyə bilərik; əhəmiyyətli dəyişikliklərdə səni xəbərdar edəcəyik. Qüvvəyə minmə tarixi və versiya bu səhifənin yuxarısında göstərilir.

Məxfiliklə bağlı suallar üçün: info@360tibb.az